Bosch PKS 40 - Инструкция (Страница 77)

Македонски | 77
Bosch Power Tools 1 609 92A 06F | (11.4.13)
Употреба
Видови употреба
 Пред било каква интервенција на електричниот
апарат, извлечете го струјниот приклучок од
ѕидната дозна.
Подесување на длабочината на сечење (види слика C)
 Подесете ја длабочината на сечење на дебелината
на делот што се обработува. Под делот што се
обработува, смее да се види помалку од полната
висина на запците.
Отшрафете ја пеперутка завртката 14. За помала
длабочина на сечење тргнете ја пилата од основната плоча
13, а за поголема, притиснете ја пилата кон основната
плоча 13. Саканата димензија подесете ја на скалата за
длабочина на сечење. Повторно зацврстете ја пеперутка-
завртката 14.
Подесување на закосениот агол
Отшрафете ја пеперутка-завртката 6. Навалувајте ја
пилата странично. Саканата димензија подесете ја на
скалата 5. Повторно зацврстете ја пеперутка-завртката 6.
Напомена: При сечење со закосување длабочината на
сечење е помала од прикажаната вредност на скалата за
подесување на длабочината на сечење 15.
Ознаки за сечење
Ознаката за сечење 0° (9) ја прикажува позицијата на
листот од пилата при правоаголно сечење. Ознаката за
сечење 45° (8) ја прикажува позицијата на листот од
пилата при 45°-рез.
За прецизен рез поставете ја кружната пила на делот што
се обработува како што е прикажано на сликата. Најдобро
е да направите пробен рез.
Ставање во употреба
 Внимавајте на електричниот напон! Напонот на
изворот на струја мора да одговара на оној кој е
наведен на спецификационата плочка на
електричниот уред. Електричните апарати означени
со 230 волти исто така може да се користат и на
220 волти.
Вклучување/исклучување
 За да се заштеди енергија, вклучувајте го
електричниот алат само доколку го користите.
За ставање во употреба на електричниот апарат најпрво
активирајте ја блокадата при вклучување 2 и притиснете
го на крај прекинувачот за вклучување/исклучување 1 и
држете го притиснат.
За да го исклучите електричниот апарат, отпуштете го
прекинувачот за вклучување/исклучување 1.
Напомена: Од безбедносни причини, прекинувачот за
вклучување/исклучување 1 нема да се блокира, туку за
време на работата постојано мора да биде притиснат.
Совети при работењето
Заштитете ги листовите за пилата од удари.
Водете го електричниот апарат рамномерно со лесен
притисок во правецот на сечење. Пресилната брзина
значително го намалува рокот на употреба на
електричниот алат и му штети на електричниот апарат.
Јачината на пилата и квалитетот на сечењето значително
зависат од состојбата и формата на запците на листот за
пилата. Затоа користете само остри и соодветни листови
за пила за делот што го обработувате.
Сечење на дрво
Правилниот избор на лист за пилата зависи од видот,
квалитетот на дрвото и од тоа дали ќе се прават должински
или напречни резови.
При должински резови на смреки, настануваат долги,
спирални струготини.
Правта што настанува при обработка на даб и бука е
особено штетна по здравјето, затоа работете со
вшмукувач за прав.
Сечење со паралелен граничник (види слика D)
Паралелниот граничник 10 овозможува прецизни резови
по должината на делот што се обработува, како на пример
сечење на ленти со исти димензии.
Одвртете ја пеперутка завртката 7 и турнете ја скалата на
паралелниот граничник 10 низ отворот на основната
плоча 13. Поставете ја саканата ширина на сечење како
вредност на скалата на соодветната ознака за сечење 9
одн. 8, видете во делот „Ознаки за сечење“. Повторно
зацврстете ја пеперутка завртката 7.
Сечење со помошен граничник (види слика E)
За обработка на големи парчиња или за сечење на прави
рабови, на делот што се обработува може да зацврстите
една даска или лајсна како помошен граничник и да ја
водите кружната пила со основната плоча по должината на
помошниот граничник.
Сечење со шина водилка (види слика G)
Со помош на шината водилка 28 може да правите
праволиниски резови.
Лепливиот слој го спречува лизгањето на шината водилка
и ја негува површината на делот што се обработува.
Облогата на шината водилка овозможува лесно лизгање
на електричниот апарат.
Гумениот раб на шината водилка служи како заштита до
кинење, што го спречува кинењето на површината при
сечење на дрвени материјали. Затоа листот на пилата со
запците мора да лежи директно на гумениот раб.
0 45 0 45
OBJ_BUCH-192-004.book Page 77 Thursday, April 11, 2013 11:18 AM