Инструкция по эксплуатации Samsung GE713KR
Страница 81
15
O'ZBEKCHA
TAOMNI ISITISH
Ushbu mikroto'lqinli pechda taomlarni oddiy duxovka yoki oshxona pechiga
qaraganda anchagina tezroq isitish mumkin.
Keyingi sahifadagi jadvalda keltirilgan quvvat darajalari va isitish vaqt oraliqlariga amal
qiling. Vaqt oraliqlari taxminan +18 °C dan +20 °C gacha bo'lgan xona haroratiga
ega bo'lgan suyuqliklar va harorati taxminan +5 °C dan +7 °C gacha bo'lgan
sovutilgan mahsulotlar uchun ko'rsatilgan.
Taomlarni joylashtirish va qopqoqdan foydalanish
Yirik ovqatlarni, masalan, go'sht bo'laklarini isitmaslikka harakat qiling - ularni uzoq
vaqt isitishga to'g'ri keladi va chetlari haddan tashqari quruqlashadi. Kichkina
bo'laklar anchagina yaxshi isiydi.
Quvvat darajalari va aralashtirish
Ayrim mahsulotlarni 750 Vt quvvatda isitish mumkin bo'lsa, boshqalarini 600 Vt,
450 Vt va hattoki 300 Vt quvvatda isitish kerak bo'ladi.
Qo'shimcha ko'rsatmalar olish uchun jadvalga qarang. Umuman olganda kamroq
quvvatda juda tez isiydigan tansiq taomlar, katta miqdorsdagi taomlar va ovqatlarini
isitish qulay (masalan, shirin piroglar).
Eng yaxshi natijalarga ega bo'lish uchun taomlarni aralashtirib turing yoki isitish
vaqtida ag'daring. Iloji bo'lsa dasturxonga tortishdan avval yana aralashtiring.
Suyuqliklar va bolalarning ovqatlarini isitishda ayniqsa ehtiyot bo'ling. Suyuqlikning
qaynab ketishi va kuyib qolishni oldini olish uchun isitish vaqtida va isitgandan keyin
uni aralashtiring. Uni kutish vaqtida mikroto'lqinli pechda qoldiring. Suyuqlikka
plastmassa qoshiq yoki shisha tayoqchani solish tavsiya qilinadi. Ortiqcha qizib
ketishiga yo'l qo'ymang (bunda taom buzilishi mumkin).
Kamroq isitish vaqtini o'rnatish, keyin esa zarur bo'lgan hollarda vaqt qo'shish
ma'qulroqdir.
Isitish va kutish vaqti
Mahsulotni ilk marta isitganda buning uchun qancha vaqt ketganligini yozib qo'ying
va ushbu qiymatdan keyinchalik foydalaning.
Taomning to'liq isiganligini albatta tekshiring.
Isitgandan keyin haroratning butun taom bo'ylab tenglashishi uchun biroz kuting.
Agar jadvalda boshqa qiymat ko'rsatilmagan bo'lsa, jadvalda boshqasi tavsiya
qilinmagan bo'lsa, kutish vaqti 2-4 daqiqani tashkil qiladi.
Suyuqliklar va bolalarning ovqatlarini isitishda ayniqsa ehtiyot bo'ling. Yana "Ehtiyot
choralari" bo'limiga qarang.
SUYUQLIKLARNI ISITISH
Suyukliklarning barcha qismlaridagi harorat tenglashishi uchun pech o'chirilgandan
keyin kamida 20 soniya kuting. Zarur bo'lgan hollarda suyuqlikni aralashtiring
va isitilgandan keyin uni DOIMO aralashtiring. Suyuqliklarning qaynab ketishi va
kuyib qolishni oldini olish uchun ichimlik solingan stakanga qoshiqcha yoki shisha
tayoqcha soling va isitish vaqtida va isitgandan keyin uni aralashtiring.
BOLALAR TAOMLARINI ISITISH
BOLALAR TAOMLARI: Taomni chuqur sopol idishga soling. Plastmassa qopqoq
bilan yoping. Isitgandan keyin yaxshilab aralashtiring! Ovqatlantirishdan avval 2-3
daqiqa kuting. Yana aralashtiring va haroratni tekshiring. Taomning tavsiya qilingan
harorati: 30-40 °C o'rtasida.
BOLALAR SUTI: Sutni sterillangan shisha butilkaga quying. Berkitmagan holda
isiting. Sutni hech qachon butilkaga so'rg'ich kiydirilgan holda isitmang, ortiqcha
qizib ketganda butilka portlab ketishi mumkin. Kutib turish vaqti oldidan va keyin
silkiting! Bolalar suti yoki taomini bolaga berishdan avval doimo haroratini yaxshilab
tekshiring. Taomning tavsiya qilingan harorati: taxminan 37 °C.
IZOH:
Kuyishning oldini olish uchun bolaga berishdan avval bolalar taomlarining haroratini
juda puxta tekshirish lozim.
Quyidagi jadvalda ko'rsatilgan quvvat darajalari va isitish vaqt oraliqlariga amal qiling.
GE711KR_BWT_DE68-04100A-02_UZ.indd 15
2013-11-28 �� 6:49:18