Инструкция по эксплуатации Zanussi ZM21M0
Страница 82
EMM21150
МК
82
Препораки за
микробрановите
Совети за микробрановите
• Печката секогаш да биде чиста - избегнувајте
истурања и не заборавајте да исчистите под
стаклената тацна и од внатрешната страна на
вратата.
• Најдобро е да користите тркалезни или
овални садови со капак кога готвите во
микробрановата печка.
• Не користете метални или садови со метални
украси. Некои пластични материјали може да
се стопат или извиткаат од жешката храна.
• Покријте ја храната кога готвите. Користете
стаклен капак, чинија или хартија отпорна на
маснотии.
• Пецива, леб и слично може да се одмрзнат
директно во корпа за леб или на салфета.
• Ако смрзната храна се загрева во амбалажата,
таа треба да се отвори. Не смее да се користи
амбалажа што содржи метал или метални
украси освен ако не е препорачана за употреба
во микробранова печка. Извадете ги металните
спојувалки и жиците.
• Мали парчиња алуминиумска фолија може да
се користат за прекривање на деловите што
лесно горат, на пр. пилешки нозе.
• Храната со лушпа или опна треба да се
прободе со виљушка - на пр. компирите и
колбасите. Не варете јајца во микробрановата
печка, тие може да експлодираат.
• Ставајте ги големите, дебели парчиња кај
работ на садот, и обидете се да ја исечете
храната на делови со иста големина. Секогаш
ставајте ја храната на средината на печката.
• Храната ќе се приготви рамномерно ако ја
промешате или свртите неколкупати.
• Секогаш поставајте покусо време за готвење
отколку што ви пишува во рецептите за да
избегнете прекумерно готвење. Колку повеќе
храна, толку подолго се готви.
• Користете малку или воопшто не користете
вода за зеленчукот.
• Користете помалку сол и зачини отколку при
„нормално“ готвење.
• Зачинете потоа.
• Дозволете неколку минути „време за оставање“
откако ќе се исклучи печката, за да овозможите
целосни и рамномерни резултати на готвењето.
• Секогаш внимавајте храната да биде многу
жешка пред да ја сервирате.
• Користете подметки или ракавици кога вадите
садови и јадења од печката.
• Топење мед
Ако имате тегла мед што шеќердисал,
тргнете го капакот и ставете ја теглата
во печката, пуштете на средна јачина
2 минути.
• Топење чоколадо
Искршете 100 г чоколадо на коцкички,
ставете во сад и пуштете на најсилно
1-2 минути, мешајте добро.
• Омекнување или топење путер
За топење се потребни неколку секунди на
најсилно. Омекнувањето е најдобро да се
прави полека, на мала јачина.
• Освежување или топлење леб
На средна јачина неколку секунди.
• Лесно лупење лук
Загрејте 3 или 4 чешниња лук на најсилно
15 секунди. Притиснете од едниот крај,
лукот ќе излета од лушпата.
• Овошен сок
Цитронските овошја ќе дадат повеќе сок
ако се загреат 15 секунди на најсилно пред
цедењето.
• Варење каши
Каша и качамак се варат лесно во садот
за послужување, така што не останува
леплива тава за миење.